ASP

slide 1

Slide 2

Slide 3

Slide 4

Slide 4

Slide 4

Vlerësime për edukimin e votuesve të rinj dhe aplikacionin e zgjedhjeve

E Premte, 13 Tetor 2017

Akademia e Studimeve Politike përfundoi me sukses dhe mori vlerësimet maksimale nga Këshilli i Evropës dhe bashkëpunëtorët e tjerë për përfundimin me sukses të programit të edukimit të votuesve për herë të parë në zgjedhjet parlamentare të 25 qershorit 2017. Gjithashtu, raporti më i fundit i OSBE/ODIHR mbi zgjedhjet përfshiu një rekomandim mbi përmirësimin e ndërgjegjësimit të votuesve në zgjedhjet e ardhshme në vendin tonë. Falë programit të edukimit, mbi 35,000 maturantë dhe votues për herë të parë në të gjitha shkollat e mesme publike të vendit u informuan mbi proçesin e zgjedhjeve dhe praktikuan procedurat e votimit. Ata morën pjesë në simulime dhe zgjedhje të inskenuara me qëllim që të familiarizoheshin me hapat e duhur të votimit dhe si të shmangnin gabimet në qendrat e votimit.
Pjesë e programit ishte edhe lançimi i “Voto2017” – një aplikacion celulari i zhvilluar për Android dhe iPhones, i cili u vendos në dispozicion të Komisionit Qendror të Zgjedhjeve. Aplikacioni u instalua dhe përdor nga mbi 18,500 votues gjatë zgjedhjeve të Qershorit 2017. “Voto2017” ndihmoi përdoruesit të gjejnë qendrat e votimit, të kontrollojnë qendrën e votimit, dhe të informohen në kohë reale mbi proçesin e numërimit të votave dhe rezultatet e votimit. Aplikacioni krijoi gjithashtu mundësinë që votuesit të raportonin në kohë reale përmbes imazheve dhe videove dhe duke ruajtur identitetin e tyre, rastet e abuzimit me votën apo shitjen dhe blerjen e saj.

Programi u zbatua nga Akademia e Studimeve Politike (ASP) në bashkëpunim me Ministrinë e Arsimit dhe Sportit dhe Komisionin Qendror të Zgjedhjeve. Programi u bë i mundur falë kontributit të Agjensisë Zvicerane për Zhvillim dhe Bashkëpunim (SDC) dhe Këshillit të Evropës. Më tepër mbi fushatën mund të gjeni:
Kronika TV: