ASP

slide 1

Slide 2

Slide 3

Slide 4

Slide 4

Slide 4

Te rejat e Fundit

Ministrja e Arsimit pjesë e fushatës edukuese për votuesit e rinj

Ministrja e Arsimit, Sportit dhe Rinisë, znj. Besa Shahini ishte sot e ftuar për të ndjekur nga afër ushtrimin e votimit të maturantëve të shkollës së mesme “Ismail Qemali” në Tiranë, në kuadër të projektit të Këshillit të Evropës dhe Ambasadës Zvicerane për edukimin e votuesve të rinj për zgjedhjet vendore të 30 Qershorit 2019

Presidenti i Shoqatës së Shkollave Politike viziton Shqipërinë

Presidenti i Shoqatës së Shkollave të Studimeve Politike të Këshillit të Evropës Z. Nils Muižnieks zhvilloi një vizitë në Shqipëri nga 16-18 maj 2019 me ftesë të Akademisë së Studimeve Politike. Z. Muižnieks ishte një nga folësit e ftuar në kursin e tretë kombëtar të programit të Shkollës Shqiptare të Studimeve Politike, mbajtur në Durrës.

Integrimi Evropian në fokusin e kursit të tretë të Shkollës

Integrimi evropian dhe vendimi i pritshëm mbi hapjen e negociatave ishte fokusi i kursit të tretë të Shkollës së Studimeve Politike. Trajnimi u zhvillua në hotel “Bleart" Durrës, në datat 17-19 maj 2019, me prezencën e lektorëve të përzgjedhur vendas dhe të huaj. Z. Nils Muiznieks, President i Shoqatës së Shkollave të Studimeve Politike të Këshillit të Evropës zhvilloi një diskutim mbi populizmin në Evropë, si një rrezik ndaj demokracisë dhe të drejtave të njeriut.

Mobiliteti urban, deputetët shqiptarë vizitë në Ljubjanë

Rreth 30 deputetë dhe anëtarë të stafeve të parlamenteve të vendeve të rajonit zhvilluan një vizitë studimore në Ljubjanë, Slloveni, nga data 13-15 maj 2019. Qëllimi i vizitës ishte mundësia për të njohur nga afër modelin pozitiv të zbatuar të planifikimit të qëndrueshëm të mobilitetit urban ne këtë qytet, i shpallur "Kryeqyteti i Gjelbert Evropian" për vitin 2016.

ASP nis edukimin e votuesve të rinj në zgjedhjet 2019

Akademia e Studimeve Politike ka nisur zbatimin e programit të edukimit të votuesve për herë të parë në zgjedhjet vendore 2019. Nëpërmjet koordinimit me 13 Drejtoritë Arsimore Rajonale në të gjithë vendin u bë e mundur që të trajnohen në ditët e para të muajit maj rreth 385 mësues që do të zbatojnë programit edukues me maturantët votues për herë të parë.

Shkollat Politike ulin së bashku parlamentarët shqiptarë dhe malazezë

Tema e Mobilitetit Urban mblodhi sot së bashku në Tiranë parlamentarët shqiptarë dhe malazezë. Anëtarët e komisionit për Veprimtarinë Prodhuese, Tregtinë dhe Mjedisin të Kuvendit të Shqipërisë dhe një grup prej 8 deputetësh dhe staf i parlamentit të Malit të Zi, ndoqën prezantimet e ekspertit Aljaz Plevnik dhe shembuj konkretë nga eksperienca sllovene me objektiv forcimin e kapaciteteve të parlamentarëve për të ndikuar në procesin e vendimmarrjes politike në këtë fushë.

Kursi i dytë i Shkollës mbi lidershipin dhe përfaqësimin

Kursi i dytë kombëtar i Shkollës Shqiptare të Studimeve Politike me temë “Lidershipi dhe përfaqësimi politik”, u zhvillua në datat 5-7 prill 2019 në Vlorë. Moduli i parë i kursit u zhvillua në formën e një trajnimi intensiv mbi lidershipin e fokusuar tek karakteri. Kurrikula e zhvilluar nga McCain Institute, pranë Universitetit të Arizona në SHBA, u trajtua nga ekspertja znj. Edlira Gjoni.

Certifikohen 20 drejtues të pushtetit vendor në Akademinë e Lidershipit

Akademia e Studimeve Politike finalizoi ciklin e dytë të Akademisë së Lidershipit, programit të Qendrës së Ekspertizës së Këshillit të Evropës, i cili zhvillohet në bashkëpunim me Shkollën Shqiptare të Administratës Publike (ASPA), me mbështetjen e Agjencisë Zvicerane për Zhvillim dhe Bashkëpunim (SDC).

Nënshkruhet marrëveshja për edukimin e votuesve të rinj 2019

Komisioni Qendror i Zgjedhjeve dhe Akademia e Studimeve Politike firmosën sot Marrëveshjen e Bashkëpunimit për edukimin e të rinjve mbi zgjedhjet vendore të 30 qershorit 2019. Ky program do të zbatohet për herë të pestë në Shqipëri në bashkëpunim me Ministrinë e Arsimit, Sportit dhe Rinisë (MASR). Fushata do të ketë në fokus mbi 35 mijë maturantë (votues për herë të parë) në shkollat e mesme të vendit, duke synuar informimin e tyre mbi procesin dhe nxitjen për të marrë pjesë në zgjedhje.

Kursi i parë i Shkollës mbi sistemet dhe fushatat zgjedhore

Kursi i parë kombëtar i Shkollës Shqiptare së Studimeve Politike me temë "Mesazhet politike në fushatat elektorale dhe sistemet zgjedhore" u zhvillua nga data 15-17 mars 2019 në Voskopojë. Konsulenti politik z. Jim Arkedis, me mbi 15 vite eksperiencë në fushatat politike amerikane, trajtoi temën e "Komunikimit politik dhe organizimin e fushatave".

Prapa

Tjetra