ASP

slide 1

Slide 2

Slide 3

Slide 4

Slide 4

Slide 4

Te rejat e Fundit

Shkolla shqiptare pjesë e Forumit Botëror për Demokracinë 2016

Pjesëmarrësit e Shkollës Shqiptare të Studimeve Politike morrën pjesë nga 6-10 nëntor 2016 në Forumin e pestë Botëror për Demokracinë, i organizuar nga Këshilli i Evropës në Strasburg. Ky event mblodhi së bashku rreth 2000 persona pjesëmarrës të 21 Shkollave të Studimeve Politike nën temën kryesore "Edukimi si përballje e sfidave të reja të demokracisë". Forumi u përshëndet nga sekretari i Përgjithshëm i Këshillit të Evropës z. Thorbjorn Jagland si dhe kryeministrja norvegjeze znj. Erna Solberg dhe ministrja franceze e Arsimit, znj. Najat Vallaud-Belkacem.

Akademia nis ciklin e trajnimeve për stafet politike të bashkive

Akademia e Studimeve Politike në bashkëpunim me Shkollën Shqiptare të Administratës Publike (ASPA), nisi ciklin e ri të trajnimeve për Njësitë e Qeverisjes Vendore. Kursi i parë u zhvillua më 28-29 tetor 2016 në Durrës, me pjesëmarrjen e përfaqësuesve të bashkive Shkodër, Vau Dejës, Pukë, Fushë Arrëz, Malësia Madhe, Korcë, Maliq, Pogradec, Devoll, Pustec dhe Prrenjas, duke patur si qëllim uljen së bashku të autoriteteve të bashkive me ngjyra të ndryshme politike dhe pozicion gjeografik, të cilat ndajnë të njëjtat sfida dhe problematika.

Hapet thirrja për aplikime në Shkollën e Studimeve Politike 2017

Akademia e Studimeve Politike shpall thirrjen për aplikime për pjesëmarrësit e rinj të programit "Shkolla Shqiptare e Studimeve Politike". Kandidatët janë të mirëpritur që të ndjekin udhëzimet e mëposhtme për të plotësuar dokumentet e nevojshme dhe dorëzuar aplikimin e tyre brenda datës 14 Nëntor 2016, ora 16.00, në adresën e Akademisë.

Diskutim me politikanin e njohur Andreas Gross

Një grup i pjesëmarrësve të vitit 2016 të Shkollës si dhe alumnëve të saj, zhvilluan dje një bashkëbisedim me një prej emrave më të njohur të politikës zvicerane, njëkohësisht mbështetësin e pavarësisë së Kosovës, z. Andreas Gross. Diskutimi i hapur mbi sfidat e demokracisë sot në Evropë dhe aktivizimin e qytetarëve në vendimmarrje ngjallën interesin e duhur të pjesëmarrësve

Mbështetje për kërkimet e alumnëve të Shkollës mbi politikat në nivel vendor

Akademia e Studimeve Politike (ASP) në bashkëpunim me Fondacionin Shoqëria e Hapur për Shqipërinë (OSFA), po zbatojnë një cikël aktivitetesh kërkimore dhe advokuese me synim përmirësimin e politikave në nivel vendor. Ky program synon zhvillimin e mëtejshëm të angazhimit qytetar dhe profesional të antarëve të rrjetit të alumnëve, të cilët veprojnë si promotorë të ndryshimit dhe të zbatimit të reformave të rëndësishme integruese në vend.

ASP e ftuar në Komunitetin e Energjisë

Akademia e Studimeve Politike ishte një nga organizatat që morri pjesë në ditën e parë të hapur për shoqërinë civile të Komunitetit të Energjisë, e zhvilluar më 21 qershor në Vjenë. Qëllimi i këtij takimi, i cili mblodhi 24 organizata nga 11 vende të ndryshme, ishte rritja e transparencës dhe krijimi i një dialogu të hapur me shoqërinë civile mbi çështjet e energjisë dhe mjedisit.

Kreu i Komisionit të Venecias vlerësim për Shkollat për krijimin e kulturës demokratike

Takimi vjetor i drejtorëve të 21 Shkollave Politike të Këshillit të Evropës u zhvillua më 15-16 qershor 2016 në Strasburg. Ky event u organizua njëkohësisht me tryezën e dytë të programit të “Tryezave Qytetare”, i cili mbledh së bashku 30 alumnë të shkollave dhe të rinj të tjerë evropianë.

Diskutim me ambasadorin zviceran mbi “Demokracia direkte ndaj asaj përfaqësuese”

A është modeli i demokracisë direkte zvicerane arsyeja e konsensusit, transparencës në vendimmarrje dhe angazhimit qytetar zviceran ? A mund të aplikohet kjo pjesëmarrje direkte mbi reformat kryesore dhe debatet e nxehta politike e sociale në Shqipëri? Këto pyetje ishin në qendër të leksionit të hapur që zhvilloi Shkolla Shqiptare e Studimeve Politike me ambasadorin zviceran, z. Christoph Graf, më 3 qershor 2016

Pjesemarrësit e shkolles prezantojne kerkimin mbi administraten vendore pas reformes territoriale

Gjetjet e një punimi studimor mbi “Sfidat e riorganizimit të Administratës Vendore”, u prezantuan sot në Tiranë në një tryeze të rrumbullakët me politikëbërës, ekspertë si dhe punonjës së administratës vendore. Debati i hapur i pjesëmarrësve synoi analizimin e efiçencës së reformës administrative-territoriale në bashkitë e reja, duke trajtuar si shembull studimor bashkinë Fier.

Zhvillohet kursi i tretë i Shkolles mbi integrimin evropian

Kursi i tretë kombëtar i Shkollës Shqiptare të Studimeve Politike u zhvillua në Durrës nga datat 13-15 Maj 2016. Tematika "Shqipëria dhe integrimi evropian" u trajtua nga lektorë dhe ekspertë të mirënjohur si kryetarja e komisionit parlamentar të Integrimit, znj. Majlinda Bregu, ekspertët Gentian Elezi dhe Adrian Civici, si dhe lektori i Universitetit të Strazburgut z. Alexis Vahlas.

Prapa

Tjetra